Tramp: “ABŞ dünyanın ən bərbad təhsilinə sahibdir”

ABŞ Prezidenti Donald Tramp ABŞ-ın təhsil sistemi və Təhsil Nazirliyinin dünyada ən pis olduğunu bildirib.

“Ulusum”.az xəbər verir ki, bunu Tramp "Fox News" telekanalına verdiyi müsahibədə qeyd edib. Jurnalistlər ondan bu nazirliyi ləğv etmə planları haqqında soruşublar.

“Biz məktəbləri ştat hakimiyyətlərinin idarə etməsinə qaytarmaq istəyirik, çünki sözün əsl mənasında dünyanın ən pis Təhsil Nazirliyi və təhsilinə sahibik. Biz siyahının ən sonundayıq. İstəyirik ki, ştatlar məktəbləri idarə edə bilsinlər. Onlar dünyanın ən yaxşı Təhsil Nazirliklərindən heç də pis idarə etməyəcəklər”, - deyə prezident vurğulayıb.

"Hökumət hər ştatın öz məktəblərinə nəzarət etməsini istəyir və bu halda onlar dünyanın ən yaxşı təhsil nazirlikləri ilə müqayisədə heç də pis iş görməyəcəklər", - ABŞ prezidenti vurğulayıb.