Ukrayna üçün təhlükəsizlik təminatları müzakirə edilməyib

Aİ və NATO ölkələrinin liderləri Londondakı sammitdə Ukrayna üçün təhlükəsizlik təminatlarını müzakirə etməyiblər.

“Ulusum”.az-ın məlumatina görə, bu barədə Polşanın Baş Naziri Donald Tusk məlumat verib.

Tusk mətbuat konfransında bildirib ki, "Ukrayna üçün təhlükəsizlik təminatları" gündəlikdə yer almayıb. Həmçinin, liderlər Ukraynaya Avropa ordularından sülhməramlı göndərilməsi məsələsini müzakirə etməyiblər.

2 martda Londonda keçirilən beynəlxalq təhlükəsizlik sammitində Ukrayna məsələsi müzakirə olunur. Sammitə Ukrayna Prezidenti Volodimir Zelenski ilə yanaşı, Böyük Britaniyanın Baş Naziri Kir Starmer, Fransa Prezidenti Emmanuel Makron, Polşanın Baş Naziri Donald Tusk, NATO-nun Baş katibi Mark Rütte və digər liderlər də dəvət edilib.

Sammitdən əvvəl BBC-yə verdiyi müsahibədə Starmer bildirib ki, London və Paris Ukrayna münaqişəsinin həlli üçün öz planlarını hazırlayacaq və bu işə bir və ya iki ölkə daha cəlb edilə bilər. Həmin sənəd ABŞ rəhbərliyi ilə müzakirə ediləcək.