Dörd İndoneziyalı kişi onlayn qumar oynadıqları üçün şallaqlanıb

İndoneziyada dörd kişi internetdə qumar oynadıqları üçün ictimai şəkildə cəzalandırılıb.

“Ulusum”.az Mirror qəzetinə istinadən xəbər verir ki, hadisə Banda-Açeh şəhərində baş verib. Verilən məlumatlara əsasən, bir kişi 22 şallaq zərbəsi alıb, digər üç nəfər isə 9 zərbəyə məruz qalıb. Cəzanın miqdarı, onların qoyduqları məbləğə və qazandıqları pulun həcminə görə müəyyən edilib, yerli islam qanunlarına uyğun olaraq.

Cəza zamanı imam, təvazökarlıq haqqında xütbə oxuyub, həmin şəxslər isə bu müddətdə böyük fiziki ağrılara dözmək zorunda qalıblar.

Cəzalandırılan şəxslər internet kafenin içində tutulub və bu, 2025-ci ilin ilk ictimai döymə cəzası olub.

Səidə