"Meta" Trampa $25 milyon kompensasiya ödəyəcək

"Meta" ABŞ prezidenti Donald Trampa $25 milyon ödəyəcək. “Ulusum”.az xəbər verir ki, bu barədə The Wall Street Journal yazır. Məlumata görə, tərəflər bu məbləğ üzrə kompensasiya məsələsini əvvəlcədən məhkəmə qərarı ilə razılaşdırıblar.

Meta, 2021-ci ildə Trampın şirkətə və onun baş icraçı direktoru Mark Zuckerberg-ə qarşı açdığı məhkəmə iddiasını həll etmək üçün təxminən $25 milyon ödəmək razılığına gəlib. İddianın səbəbi, ABŞ Konqresinin binasına edilən hücumdan sonra Trampın sosial şəbəkələrdəki hesablarının bloklanmasıdır.

Ödənilən məbləğin $3 milyon hissəsi siyasətçinin hüquqi xərclərini qarşılayacaq. Qalan $22 milyon isə Trampın prezidentlik kitabxanasının fonduna yönəldiləcək.

Trampın sosial şəbəkələrdəki hesabları 2021-ci ildə Kapitoliyə hücumla bağlı yazdıqlarına görə bloklanmışdı. Hesablar yalnız 2023-cü ilin fevralında bərpa edilib.

Səidə