“Hürriyət”: Ərdoğan Ukraynadakı vəziyyəti Nazirlər Kabinetinin iclasında müzakirə edəcək

Rusiya ilə Ukrayna arasındakı münaqişə Türkiyə Prezidenti Rəcəb Tayyib Ərdoğanın sədrliyi ilə 6 yanvarda Ankarada keçiriləcək Nazirlər Kabineti iclasının gündəliyinə daxil edilib. "Ulusum.az xəbər verir ki, bu barədə "Hürriyət" qəzeti mənbələrə istinadən məlumat yayıb.

"Rusiya ilə Ukrayna arasındakı müharibə, İsrailin Qəzza sektoruna hücumları müzakirə olunacaq. Nazirlər Kabinetinin xarici siyasət gündəminin əsas mövzusu isə Suriyadakı son hadisələr olacaq," — deyə qəzet qeyd edir.

Qəzetin məlumatına görə, Ərdoğan Suriyaya ezam edilmiş nazirlərin hesabatlarını dinləməyi də planlaşdırır.

"Nazirlər Kabinetində infrastruktur, enerji və kənd təsərrüfatı sahələrində ehtiyaclar müzakirə ediləcək. Suriyalıların təhlükəsiz geri dönüşü ilə bağlı əldə olunan mərhələ və "yol xəritəsi' nəzərdən keçiriləcək," — deyə dərcdə bildirilir.

Səidə Mustafa