Fransanın eks-prezidenti Fransua Olland Makronun vaxtından əvvəl istefasına qarşı çıxıb

Fransanın keçmiş prezidenti Fransua Olland hazırkı prezident Emmanuel Makronun vaxtından əvvəl istefasına qarşı çıxıb. Olland, siyasi sabitliyin qorunmasının və ölkənin idarəetməsinin davamlılığının əhəmiyyətini vurğulayaraq, belə bir addımın Fransa üçün zərərli ola biləcəyini bildirib.

"Mən qanunlara riayət edilməsinin tərəfdarıyam", - deyə keçmiş prezident bazar günü Ouest-France qəzetinə verdiyi müsahibəsində bildirib.

Fransua Olland qeyd edib ki, siyasi böhranların və ictimai narazılıqların dialoq və demokratik yollarla həll edilməsi vacibdir. Onun fikrincə, prezidentin vaxtından əvvəl istefası ölkədəki vəziyyəti daha da mürəkkəbləşdirə və Fransa üçün qeyri-müəyyənlik dövrü yarada bilər.

Olland həmçinin ölkənin siyasi liderlərini məsuliyyətli davranmağa və milli maraqları şəxsi və ya siyasi ambisiyalardan üstün tutmağa çağırıb.


Səidə Mustafa