Trampdan şok kadr dəyişikliyi: Uoltsun səhvi gizli planları ifşa etdi!

ABŞ Prezidenti Donald Tramp sosial şəbəkə Truth Social-da yazıb ki, Ağ Evin milli təhlükəsizlik üzrə müşaviri Mayk Uolts, BMT-də ABŞ-ın daimi nümayəndəsi vəzifəsinə təyin olunacaq. Tramp qeyd edib ki, bu qərar ABŞ administrasiyasında digər kadr dəyişikliklərinə səbəb olacaq.

“Mayk Uoltsu ABŞ-ın BMT-dəki növbəti postdaimi nümayəndəsi vəzifəsinə irəli sürdüyümü elan etməkdən məmnunam,” – deyə Tramp bildirib.

O əlavə edib ki, Milli Təhlükəsizlik Şurasının rəhbəri vəzifəsini müvəqqəti olaraq ABŞ Dövlət katibi Marko Rubio icra edəcək. Rubio eyni zamanda Dövlət Departamentindəki vəzifəsini də davam etdirəcək.

💥 Bu dəyişikliklər, Mayk Uoltsun Pentaqonun Yəmənə dair gizli hərbi planlarının jurnalistə sızdırılması ilə bağlı yaranan qalmaqal fonunda baş verib. Məlumata görə, Uolts sənədləri səhvən The Atlantic jurnalının baş redaktoru Ceffri Qoldberqə göndərib. O, jurnalisti telefonunda yanlış adla qeyd edərək, qapalı və məxfi mesajlaşma qrupuna əlavə edib, bu da sızmaya səbəb olub.

✍️"Ulusum".az