Qərbin Rusiya neftinə tətbiq etdiyi sanksiyalar dünya iqtisadiyyatını sarsıda bilər

Qərbin Rusiya neftinə tətbiq etdiyi sanksiyalar hər gün öz effektivliyini itirir və onların güclənməsi dünya iqtisadiyyatını sarsıda bilər. Bu barədə Fransanın Le Monde qəzeti yazıb.

Aİ Rusiyaya qarşı 14 sanksiya paketi tətbiq edib və Rusiya neftinin bir barelinin qiymətini 60 dollar səviyyəsində müəyyən edib. Bəzi analitiklər sanksiyaların uzunmüddətli perspektivdə Rusiyanın gəlirlərinə zərər vurmağa başlayacağını desələr də, Le Monde faktiki olaraq onların təsirinin hər gün azaldığını qeyd edir.

Qəzet onu da yazır ki, bu gün dünya iqtisadiyyatı əsas istehsalçılarından biri Rusiya olan neftdən çox asılıdır. Artan anti-Rusiya məhdudlaşdırıcı tədbirlərin nəticəsində yarana biləcək tədarükün kəsilməsi qiymətlərin kəskin artmasına səbəb ola bilər ki, bu da öz növbəsində gübrələrin və kənd təsərrüfatı məhsullarının maya dəyərinin artmasına səbəb olacaq. Nəticədə ərzaq məhsullarının qiymətləri əhəmiyyətli dərəcədə arta bilər.

Eltun Məmmədov