Efiopiyada torpaq sürüşməsi nəticəsində azı 20 nəfər ölüb

Efiopiyanın cənubunda torpaq sürüşməsi nəticəsində azı 20 nəfər ölüb.

Bu barədə “Fana Broadcasting Corporate” dövlət radiosu məlumat yayıb.

Məlumata görə, sürüşmə ölkənin cənubundakı Qeze-Qofa bölgəsində baş verib. Rayon rəhbəri Misikir Mitiku bildirib ki, xilasedicilər artıq 20-dən çox meyit aşkarlamağa nail olublar.

Onun sözlərinə görə, sürüşmə bölgəsində xilasetmə işləri davam etdiyi üçün ölənlərin sayı arta bilər.