İtaliya limanında tankerdə partlayış olub

İtaliyanın Savona şəhərinin limanında olan Maltaya məxsus Sea Jewel tankerində iki partlayış baş verib. “Ulusum”.az xəbər verir ki, bu barədə “Fatto Quotidiano” qəzeti məlumat yayıb.

Hadisə Əlcəzairdən gələn gəmidən neftin boşaldılması zamanı baş verib. Partlayışlar nəticəsində tankerin gövdəsində içəriyə doğru bükülmüş bir dəlik əmələ gəlib. Aparılan yoxlama zamanı neft sızması aşkar edilməyib. Ölənlər barədə məlumat yoxdur.

Hüquq-mühafizə orqanları hazırda baş verənlərlə bağlı hər hansı versiyanı, o cümlədən partlayıcı qurğunun işə salınmasını istisna etmir.

Səidə