ABŞ-da təyyarə qəzaya uğrayıb

İki nəfər ABŞ-ın Corciya ştatında tək mühərrikli təyyarənin qəzası nəticəsində həlak olub.

“Ulusum”.az xəbər verir ki, bu barədə Newsweek nəşri Kovington polis departamentinə istinadən məlumat verib. Hadisə, təyyarənin havaya qalxdıqdan qısa bir müddət sonra baş verib.

Hava limanı, təyyarə ilə əlaqəni təxminən 20 dəqiqə sonra itirib, bundan sonra polis əməkdaşları təyyarənin qəzaya uğradığı yeri, eniş zolağından yaxın bir meşədə tapıblar, — deyə polis izah edib.

Qəza yerində iki həlak olmuş şəxsin cəsədi aşkar edilib. Səlahiyyətlilər qəzanın səbəblərini araşdırmağa başlayıblar.

Səidə