İsveç araşdırıcıları: terror hücumu versiyası təsdiqlənməyib

İsveçli araşdırıcılar istisna etmir ki, Erebro şəhərindəki yetkinlər üçün məktəbdə 10 şagirdi öldürən şübhəli, əvvəllər bu təhsil müəssisəsinə gedib.

“Ulusum”.az xəbər verir ki, bu barədə hüquq-mühafizə orqanlarının nümayəndələri məlumat veriblər.

Atışmanı törədən şəxsin adı hələ açıqlanmayıb. Kütləvi qətldən sonra o, üç tapança, 10 boş magazin və çoxlu istifadə edilməmiş patronlarla yanaşı ölü tapılıb. Rəsmi şəxslər mətbuat konfransında bu məlumatı açıqlayıb. Onun ölüm səbəbi ilə bağlı əlavə məlumat verilmir, hökumət orqanları isə polis əməkdaşlarının cavab atəşi açmadığını təsdiqləyiblər.

Campus Risbergska məktəbi 20 yaş və yuxarı yaşda olan yetkinlər üçün ibtidai və orta təhsil, immiqrantlar üçün şved dili kursları, peşə təlimi və məhdud intellektual imkanları olan insanlar üçün proqramlar təklif edir. Məktəb Erebro şəhərinin kənarında, Stokholmadan təxminən 200 kilometr məsafədə yerləşir.

Hadisə yerinə gələn 130 polis əməkdaşı 10 dəhşətli ölümün üzərinə, 18 yaşdan yuxarı ən azı altı yaralı tapıb. Onlardan ikisi cümə axşamı intensiv terapiya şöbəsində ağır, amma sabit vəziyyətdədir. Əlavə üç nəfərin əməliyyatdan sonra vəziyyəti narahatlıq yaratmır, altıncı yaralıya isə yüngül xəsarətləri ilə əlaqədar kömək göstərilib.

Səidə