ÜST direktoru Səna hava limanında olarkən İsrail Yəmənə hücum edib

ÜST direktoru Səna hava limanında olarkən İsrail Yəmənə hücum edib.

Ümumdünya Səhiyyə Təşkilatının rəhbəri Tedros Adhanom Qhebreyesus təyyarəyə minməyə hazırlaşarkən İsrail ordusu Yəmənin paytaxtında hava limanına zərbələr endirib.

“Təyyarəmizin ekipaj üzvlərindən biri yaralanıb. Hava limanında ən azı iki nəfərin öldüyü bildirilir. Hava hərəkətinə nəzarət qülləsi, uçuş zalı - olduğumuz yerdən cəmi bir neçə metr aralıda - və uçuş-enmə zolağı zədələndi”, - Qebreyesus hücumdan sonra sosial media X hesabında yazıb.

İsrailin xarici işlər naziri Gideon Saar daha sonra deyib ki, İsrail ordusu hücumlarına cavab olaraq Yəməndəki husi üsyançılarının hərbi obyektlərinə zərbələr endirib.

Eltun Məmmədov