İmran Xanın tərəfdarları İslamabada yürüşə başlayıblar

İmran Xanın tərəfdarları keçmiş baş nazirin azad edilməsi tələbi ilə İslamabada yürüşə başlayıblar.

Pakistan hökuməti paytaxt İslamabada gedən magistral yolların bağlanması, internet və mobil rabitənin qismən dayandırılması, ictimai nəqliyyatın dayandırılması, əsas yolların konteynerlərlə bağlanması və təhlükəsizlik qüvvələrinin yerləşdirilməsi də daxil olmaqla ciddi tədbirlər görüb.

Pakistan Təhrik-e-İnsaf (PTI) tərəfdarları da tələblərini səsləndirmək üçün Donald Trampın Florida ştatındakı West Palm Beach iqamətgahı qarşısında toplaşıblar.

2018-2022-ci illərdə hökumətə rəhbərlik etmiş İmran Xan 2022-ci il aprelin 10-da vəzifəsindən uzaqlaşdırılıb.

Eltun Məmmədov