ABŞ qüvvələri qəzaya uğrayan iki iranlı dənizçinin həyatını xilas edib

Dünən ABŞ Mərkəzi Komandanlığı (CENTCOM) bildirib ki, “Teodor Ruzvelt” təyyarədaşıyan gəmisi beynəlxalq sularda qəzaya uğrayan iki iranlı mülki dənizçini xilas edib.

CENTCOM-un məlumatına görə, xilas edilən dənizlər tibbi yardım üçün “Teodor Ruzvelt” gəmisinə aparılıblar. Hadisə yerinə helikopter və qayığın da göndərildiy vurğulanıb. Hələlik xilas edilən iranlı dənizçilərin kimliyi açıqlanmayıb.

Qeyd edək ki, Yaxın Şərqdə gərginliyin artması və münaqişə ehtimalından sonra ABŞ-nin ötən ay bölgəyə göndərdiyi qruplardan biri də sözügedən təyyarədaşıyan gəmidir.

Eltun Məmmədov