Ukrayna Silahlı Qüvvələri Rostov vilayətində neft bazasına yenidən hücum edib

Ukrayna Silahlı Qüvvələri Rostov vilayətində bir neçə gündür yanan və söndürülməsi mümkün olmayan neft bazasına yenidən hücum edib.

Rusiya Teleqram kanallarının məlumatına görə, Proletarskdakı neft emalı zavoduna növbəti PUA hücumu səhər saat 5 radələrində olub, itki yoxdur.

Rusiya Müdafiə Nazirliyi bu gecə Rostov vilayəti üzərində yeddi PUA-nın vurulduğunu elan edib.

Xatırladaq ki, yanğın avqustun 18-də səhər saatlarında başlayıb. Hazırda yanğın lokallaşdırılmayıb.

Eltun Məmmədov