Lənkəranda baş verən qəzada 3 nəfər xəsarət alıb - FOTOLAR

Lənkəranda yol nəqliyyat hadisəsi baş verib.

Axşam saatlarında Lənkəran - Lerik magistralının Qurumba kəndi ərazisində yol qəzası baş verib. Hərəkətdə olan "VAZ-2107" markalı minik avtomobili "Mercedes" markalı minik avtomobili ilə toqquşub. Toqquşmadan sonra hər iki nəqliyyat vasitəsi yol kənarındakı elektrik dirəklərinə çırpılıblar. Qəza nəticəsində üç nəfər şəxs Lənkəran rayon Kərgəlan kənd sakini 1989 - cu il təvəllüdlü Arzu Xanverdi qızı Canıyeva, Lənkəran rayon Şağlaküçə kənd sakini 1995 - ci il təvəllüdlü Nurlan Akşin oğlu Kərimzadə və onun həmkəndlisi 1995 - ci il təvəllüdlü Rasim Ariz oğlu Əlizadə müxtəlif dərəcəli bədən xəsarətləri alaraq Lənkəran rayon mərkəzi xəstəxanasına hospitalizasiya olunublar. Onlara ilkin tibbi yardım göstərilib. Yaralılardan biri vəziyyətinə uyğun olaraq reanimasiya şöbəsinə yerləşdirilib.

Faktla bağlı araşdırma aparılır.

Eltun Məmmədov