Qaxda qəza baş verib, xəsarət alan var - FOTOLAR

Qax rayonunda yük və minik avtomobili toqquşub.

Hadisə günorta saatlarında Qax-Şəki avtomobil yolunun, rayonun Əmbərçay kəndi ərazisindən keçən qeydə alınıb.

Belə ki, hərəkətdə olan Zaqtala rayon Çobankol kənd sakini 1991-ci il təvəllüdlü Əhmədov Namil Əsgər oğlunun idarə etdiyi yük avtomobili ilə Qax rayon Çüdüllü kənd sakini 1987-ci il təvəllüdlü Hacıyev Məhəmməd Mais oğlunun idarə etdiyi minik avtomobili toqquşub.

Qəza zamanı minik avtomonilində olan sürücünün həyat yoldaşı Bəbişova Könül Qurban qızı müxtəlif dərəcəli bədən xəsarətləri alaraq Qax Rayon Mərkəzi Xəstəxanasına aparılıb.

Faktla bağlı araşdırma aparılır.

Eltun Məmmədov