İsrail Livanı bombaladı

Gecə saatlarında İsrail aviasiyası Livandakı bir sıra "Hizbullah" hədəflərinə zərbələr endirib.

Bu barədə İsrail Müdafiə Qüvvələrinin (IDF) rəsmi "Telegram" kanalı məlumat yayıb.

İsrail ordusunun məlumatına görə, "Hizbullah" obyektləri Livan ərazisinin dərinliklərində və ölkənin cənubunda yerləşir.

Qeyd edilir ki, Çabriha, Borc əl-Şmali, Bekaa, Kfarkela, Rab əl-Talatin, Xiam və Tayr Harfa bölgələrindəki silah anbarları və terror infrastrukturu məhv edilib.