Kiyevə raket hücumu olub - VİDEO - YENİLƏNİB

Ukrayna ərazisində Rusiyanın kütləvi hücumu nəticəsində ölənlərin sayı 20-yə çatıb.

Bu barədə Ukrayna Daxili İşlər Nazirliyinin rəhbəri İqor Klimenko özünün "Telegram" kanalında məlumat verib.

"Hazırda Kiyevə hücum nəticəsində yeddi nəfərin öldüyü, 25 nəfərin yaralandığı məlumdur. Ərazidəki xidmətlərimiz insanları dağıntılar altından xilas üçün hər şeyi edirlər. Rusiya ordusu Dnepr, Krivoy Roq və Donetsk vilayətinə də hücum ediblər. Ümumilikdə, Ukraynaya səhər hücumu nəticəsində 20-yə yaxın adam ölüb, 50-yə yaxın adam yaralanıb", - deyə qurumdan vurğulanıb.

-----------------------------------------------------------------------------
Kiyevə raket hücumu olub. Qoloseyevski, Dneprovski və Solomenski rayonlarında baş verən partlayışlardan sonra Kiyevdə yanğınlar baş verib.

Şahidlər Julyanı hava limanı ərazisində partlayışların baş verdiyini bildirirlər.

Kiyevətrafı ərazilərdə hava hücumundan müdafiə sistemləri işləyir və həkimlər qrupu şəhərin Solomenski rayonuna yollanıb.

Krivoy Roq və Dneprdə də partlayışlar, Odessada elektrik nəqliyyatının kəsilməsi və dayanması barədə məlumatlar var.
Kiyevə hücum nəticəsində ən azı üç nəfər yaralanıb. Bu barədə şəhər meri Kliçko bildirib.

Onlardan ikisinə yerindəcə tibbi yardım göstərilib.

Eltun Məmmədov