Hindistanda hava limanında damın uçması nəticəsində bir nəfər ölüb - FOTO

Hindistanın paytaxtı Yeni Dehlidə hava limanında damın uçması nəticəsində bir nəfər ölüb.

İndira Qandi Beynəlxalq Hava Limanının birinci terminalının damının bir hissəsi ikinci gündür davam edən güclü leysan yağışına tab gətirə bilməyib. Dam örtüyü və dayaq tirləri uçaraq park halında olan bir neçə avtomobilə ziyan vurub.

Nəticədə avtomobillərdən birində olan şəxs dünyasını dəyişib. Ən azı altı nəfər yaralanıb. Uçuşlar dayandırılıb.

Eltun Məmmədov