Myanmada zəlzələ nəticəsində ölənlərin sayı 2886 nəfərə çatıb

“Ulusum”.az Çindəki Mərkəzi Televiziya (CCTV) istinadən xəbər verir ki, Myanmadakı güclü zəlzələnin nəticəsində həyatını itirənlərin sayı 2886 nəfərə çatıb. Həmçinin, 4639 nəfər yaralanıb, 373 nəfər isə itkin düşüb. Çin Xalq Respublikasının Səfirliyi, Çin-Myanma sərhədində humanitar yüklərin təcili rejimdə keçməsi üçün gömrük işlərinin fasiləsiz aparıldığını bildirib.

Çin Xalq Respublikasının Prezidenti Si Cinpin, Pekinin Myanmanın zərər görmüş bölgələrinin sakinlərinə təbii fəlakətin nəticələrini aradan qaldırmağa kömək etməyə hazır olduğunu söyləyib. Əlavə olaraq, Çin tərəfi, qonşu ölkəyə 100 milyon yuan məbləğində humanitar yardım ayıracağını vəd edib.