Ayaqda xoşagəlməz qoxu və qaşıntıdan əsər QALMAYACAQ - EKSKLÜZİV

Adətən insanlar ayaqdan gələn pis qoxu və ağrılı qaşıntılardan əziyyət çəkirlər. Xüsusilə kişilər ayaq tərləməsi və kəskin qoxu səbəbindən özlərini diskomfort hiss edə bilirlər.
Ulusum.az saytının indi təqdim edəcəyi metod və üsullarla qaşınma və pis qoxudan əsər-əlamət qalmayacaq.

İlk olaraq bu şikayətlərin nədən qaynaqlandığını öyrənək. Belə ki, ayaqda göbələk və oxşar xəstəliklərin yaranmasının başlıca səbəbi dar ayaqqabılarda saatlarla gəzmək olur. Digər aktual səbəb isə ayağın nəm şəraitdə, ayaqqabının içində qalması və təbii ki gigiyenik qaydalara əməl edilməməsidir.
Bəzən hətta ayaqları gündə bir neçə dəfə yuduqda belə bu hallar yenə də baş verir, yəni ayaqlar insanı diskomfort hiss etdirir.


Qaşıntılardan və pis qoxudan necə qurtulmaq olar?

Bunun üçün ev şəraitində hər kəsin əldə edə biləcəyi vasitələrdən istifadə edcəksiniz. İlıq suya bir az alma sirkəsi əlavə edirsiniz və ayaqlarınızı bir müddət həmin suda saxlayırsınız. Bir qədər gözlətdikdən sonra adi ilıq su ilə yaxalayın.

Qeyd edək ki, alma sirkəsinin antiviral xüsusiyyəti ayaq göbələklərini qısa müddətdə aradan qaldırmağa yardımçı olacaq.

Bu metodu ən azı həftədə bir dəfə istifadə etmək tövsiyə olunur.
Nəzərinizə çatdırırıq ki, əgər ayaq göbələyi xeyli iraəliləyibsə, o zaman mütləq həkimə müraciət etmək vacibdir. Əks halda aktiv bakteriyalar digər barmaqlara da yayıla bilər.

Aymirə Ağamirova