Biləcəridə suyun təzyiqi niyə AŞAĞIDIR? - AÇIQLAMA - EKSKLÜZİV

Binəqədi rayonu, Biləcəri qəsəbəsinin Yusif İmanov küçəsində vətəndaşlar sudan normal qaydada istifadə edə bilmirlər. Suyun təzyiqi o qədər aşağı düşüb ki, hətta nasos belə suyu çəkə bilmir. sakinlərin ulusum.az saytına verdikləri məlumata görə, səhər saatlarında su motorunun qoşulmasına rəğmən su yetəri qədər gəlmir.

Ulusum.az olaraq məsələ ilə bağlı "Azərsu" ASC ilə əlaqə saxladıq.

Qurumdan verilən açıqlamaya əsasən, şikayətlər əsaslıdır, belə ki, su xəttində çirklənmələr yaranıb, bu da suyun verilişini əngəlləyir.

Həmçinin qeyd olundu ki, hazırda problemin aradan qaldırılması istiqamətində işlər gedir.

Xatırladaq ki, Biləcəri sakinlərinin su problemi qış aylarından bəri müşahidə olunur, son vaxtlar isə daha da müntəzəm xarakter alıb.

Ağa Dadaşzadə