Nazir qəzaya düşdü - Vəziyyəti kafidir

Rusiyanın Kamçatka diyarının səhiyyə naziri Aleksandr Qaşkov Naçiki qəsəbəsindən Bolşeretska gedən yolda qəzaya düşüb.

Ulusum.az bildirir ki, bu barədə regional hökumət məlumat verib.

Məlumata əsasən, Qaşkov da daxil olmaqla yol-nəqliyyat hadisəsi nəticəsində xəsarət alan 3 nəfər rayon xəstəxanasına yerləşdirilib. Həkimlər onun vəziyyətini ağır kimi qiymətləndirirlər. Onun qabırğaları və çanaq sümüyü sınıb.

Qeyd olunduğu kimi, avtomobillərdən birində Qaşkovla yanaşı səhiyyənin inkişafı şöbəsinin rəis müavini Denis Fedotov da olub. Onun yüngül bədən xəsarəti aldığı deyilir.

Rayon Dövlət Yol Müfəttişliyinin ilkin məlumatına görə, mikroavtobusla "UAZ Patriot" markalı avtomobilin toqquşması baş verib. "Hadisə nəticəsində 1 nəfər ölüb, 5 nəfər yaralanıb, hadisə ilə bağlı araşdırma aparılır, məlumat dəqiqləşdirilir", - deyə idarədən bildirilib.