ABŞ və Çin müdafiə nazirləri görüşdü

ABŞ və Çin müdafiə nazirləri arasında görüş keçirilir.

Ulusum.az xəbər verir ki, Çin müdafiə naziri Donq Jun və ABŞ müdafiə naziri Lloyd Ostin arasında görüş Sinqapurda keçirilən müdafiə konfransı Şanqri-La Dialoqu çərçivəsində baş tutur.

"South China Morning Post"un Çin nümayəndə heyətinə istinadən xəbərinə görə, müdafiə nazirləri arasında görüşün bir saat davam edəcəyi gözlənilir.

Rəsmilərin bildirdiyinə görə, hər bir tərəf danışıqlara 10 rəsmi şəxs gətirib.

Bu, Çin və ABŞ müdafiə nazirləri arasında 2022-ci ilin noyabrından bəri ilk görüşdür. Müdafiə nazirləri arasında aprel ayında telefon danışığı olub.