Ukrayna və ABŞ arasında saziş

ABŞ Ukrayna ilə yeni ikitərəfli təhlükəsizlik sazişi imzalamağa yaxındır.

Ulusum.az xəbər verir ki, bu barədə “Financial Times” məlumat yayıb.

“Bu saziş Ukraynanın NATO ölkələri ilə bağladığı, hərbi təlim, kəşfiyyat məlumatlarının mübadiləsi və iqtisadi yardım da daxil olmaqla, uzunmüddətli dəstək öhdəliklərini özündə əks etdirən bir sıra sazişlər içərisində ən əhəmiyyətlisi olacaq”, - deyə məlumatda qeyd olunur.

Nəşrin bildirdiyinə görə, Zelenski və Bayden ikitərəfli təhlükəsizlik sazişini sülh sammitindən bir neçə gün əvvəl İtaliyada G7 görüşü zamanı imzalayacaqlar.