Günəş əleyhinə kremlər xərçəng yaradır?

İsti yay günləri qarşıdadır. Bu, bir yandan təbiətin oyanması, günün uzanması və s. baxımdan sevindirici hal olsa da, əsasən dərisi ləkələnməyə meyilli olan xanımların problemlərini qabartmış olur.

İlk baxışdan müasir zamanda ləkələrdən qurtulmaq əlçatan görünür, çünki bütün kosmetika istehsalçılarının ən çox satılan məhsulları arasında günəş əleyhinə kremlər ilk yerdədir. Amma onun sağlamlığa zərər verən xüsusiyyətləri də var.

"Həkimlər xüsusi kremlərdən istifadə edərək özünüzü Günəşin mənfi təsirinə məruz qalmadan qorumağı tövsiyə edirlər. Amma burada bir nüans var: Bu zaman orqanizmdə D vitamini ifraz olunmur. Bu vitamin çox az olarsa, dəri xərçəngi inkişaf edə bilər".

Ulusum.az bildirir ki, bunu rusiyalı kimyaçı, Biokimyəvi Fizika İnstitutunun biopolimerlərin funksional xassələri laboratoriyasının müdiri Mariya Semyonova bildirib.