Sakinlər evdən iki cüt ayaqqabı ilə çıxırlar

Digahda palçıq problemi: Sakinlər evdən iki cüt ayaqqabı ilə çıxırlar .
Asfalt və kanalizasiya yoxluğu sakinlərin gündəlik həyatını çətinləşdirir

Yağışlı havalarda Digah qəsəbəsinin Bəxtiyar Vahabzadə küçəsi keçilməz hala düşür. Asfalt örtüyünün və kanalizasiya sisteminin olmaması səbəbindən yol tamamilə palçığa çevrilir. Sakinlər bildirirlər ki, küçədən keçmək üçün evdən iki cüt ayaqqabı ilə çıxmağa məcbur qalırlar.

Ulusum.az xəbər verir ki, məsələ Space TV-nin “Xəbərin izində” proqramında da ictimailəşdirilib. İri şəhərlərin Birləşmiş Su Təchizatı Xidməti kanalizasiya və asfaltlanma işlərinin mərhələli şəkildə aparılacağını açıqlayıb.

Ulusum.az