Sumqayıtın bU ərazilərində su kəsiləcək

Sumqayıt şəhəri 9-cu mikrorayon ərazisində magistral su xəttində qəza baş verib.

Ulusum.az xəbər verir ki, bu barədə Sumqayıt Sukanal İdarəsi məlumat yayıb.

Bildirilib ki, 9-cu mikrorayon ərazisindən keçən magistral su xəttində baş vermiş qəzanın aradan qaldırılması məqsədilə aparılan təmir-bərpa işləri ilə əlaqədar gün ərzində şəhərin bəzi ərazilərində su təchizatında müvəqqəti fasilə yaranacaq.

Hazırda qəzanın aradan qaldırılması istiqamətində işlər davam etdirilir. Su təchizatı işlər yekunlaşdıqdan sonra mərhələli şəkildə bərpa olunacaq.

Ulusum.az