Azərbaycanda kompüter istehsalı artıb

Dövlət Statistika Komitəsindən Ulusum.az-a verilən məlumata görə, cari ilin yanvar–oktyabr aylarında Azərbaycanda 25 463 ədəd noutbuk istehsal edilib.
Bu göstərici əvvəlki ilin eyni dövrü ilə müqayisədə 15,6 dəfə çoxdur.

Hesabat dövründə həmçinin 2 847 ədəd stolüstü kompüter istehsal olunub ki, bu da illik müqayisədə 2,7 dəfə artım deməkdir.

Ümumilikdə, kompüter, elektron və optik məhsulların istehsalı 98,4% artıb, elektrik avadanlıqlarının istehsalı isə 11,6% azalıb.

Ulusum.az