İspaniyada istirahət faciə ilə bitdi: Kanar adalarından Almaniyaya uçan sərnişin göyərtədə dünyasını dəyişdi

Ulusum.az xəbər verir ki, Eurowings aviaşirkətinə məxsus təyyarənin göyərtəsində bir sərnişin ölüb. Hadisə Qran Kanariyadan Hamburqa uçan A320 tipli təyyarədə baş verib. Göyərtədə 6 ekipaj üzvü və 175 sərnişin olub.

Təyyarə uçuş zamanı sərnişinlərdən birinin səhhətində ciddi problem yaranması səbəbindən təcili olaraq İspaniyanın Bilbao şəhərinə eniş edib. Təcili tibbi yardım və ekipajın həyata keçirdiyi reanimasiya tədbələrinə baxmayaraq, sərnişini xilas etmək mümkün olmayıb.

Hadisə bazar günü baş verib. Uçuş həmin gün davam etməyib, sərnişinlər və ekipaj gecəni Bilbaoda keçiriblər. Uçuş növbəti gün tamamlanıb. Eurowings aviaşirkəti dünyasını dəyişən sərnişinin ailəsinə başsağlığı verib.

“Euro Weekly News”un məlumatına görə, həyatını itirən şəxs təqaüdçü olub və uçuş zamanı infarkt keçirən qızı ilə birlikdə səyahət edirmiş.

R.Daşdəmirova