ABŞ vətəndaşlarına Venesuelanı dərhal tərk etmələri tövsiyə olundu

ABŞ Dövlət Departamenti Venesuelaya səfər edən və ya orada yaşayan vətəndaşlar üçün “Səfər Etməyin” xəbərdarlığını yenilədi.Qurum, Venesuelaya səfər edən və ya orada daimi yaşayan ABŞ vətəndaşları üçün bu il may ayında verilmiş və tam yoxlamadan sonra dəyişiklik edilmədən yenilənmiş 4-cü səviyyəli “Səfər Etməyin” xəbərdarlığını bir daha yayımlayıb.

2019-cu ildə ABŞ-ın Venesuelanın paytaxtı Karakasdan bütün diplomatik heyətini geri çağırdığı və hazırda oradakı ABŞ vətəndaşlarına nə təcili, nə də adi konsulluq xidməti göstərilə bilməyəcəyi xatırladılan xəbərdarlıqda bildirilib: “Venesuelada olan bütün ABŞ vətəndaşlarına və daimi yaşayış icazəsi olan şəxslərə dərhal ölkəni tərk etmələri şiddətlə tövsiyə olunur.”

Ulusum.az / R.Daşdəmirova