İki Nömrəli Avtobus Problemi Yenidən Gündəmdə

Sakinlər 2 nömrəli avtobus xətti ilə bağlı yaranan problemi yenidən gündəmə gətirirlər

Sakinlərin redaksiyamıza etdiyi müraciətə əsasən, 2 nömrəli avtobus marşrutu ilə bağlı mövcud problem yenidən diqqətə çatdırılıb. İzləyici bildirir ki, bu xətt üzrə avtobuslar çox seyrək işləyir, bu da gündəlik həyatlarına ciddi təsir göstərir.

Onun sözlərinə görə, marşrut üzrə nəqliyyat vasitələrinin gec gəlməsi nəticəsində sərnişinlər həm işə gecikirlər, həm də axşam saatlarında evlərinə çatmaqda çətinlik yaşayırlar. Sakin məsələ ilə bağlı video görüntünü də təkrar təqdim edərək aidiyyəti qurumlardan problemin aradan qaldırılmasını xahiş edir.

Qeyd edək ki, məsələ Space TV-də Səidə Bəkirqızının təqdimatında yayımlanan “Xəbərin izində” proqramında səsləndirilib.

Ulusum.az / R.Daşdəmirova