İtkin qadın Gəncədə tapıldı, ər evinə qayıtmaq istəmədi

İtkin qadın Gəncədə tapıldı, ər evinə qayıtmaq istəmədi

Xəbər verdiyimiz kimi, Ağstafa rayonunun Dağkəsəmən kənd sakini, 1990-cı il təvəllüdlü Nərgiz Pənah qızı Heydərova bir müddət öncə yaşadığı evdən çıxaraq geri qayıtmayıb.

Ulusum.az-a Daxili İşlər Nazirliyinin (DİN) Mətbuat Xidmətinin regional qrupunun baş inspektoru Eşqin Qasımov tərəfindən verilən məlumata görə, polis əməkdaşlarının keçirdikləri müvafiq tədbirlər nəticəsində N.Heydərovanın yeri Gəncə şəhərində müəyyən edilib.

Bildirilib ki, Nərgiz Heydərova izahtında yaşadığı evi öz iradəsi ilə tərk etdiyini və geri dönmək istəmədiyini bildirib.
R.Daşdəmirova