Bakıda Yeni Söküntü: Sakinlərə 2700 Manatlıq Kompensasiya Təklif Olunur

Ulusum.az xəbər verir ki, Bakının Yasamal rayonunda – Təzəpir məscidinin ətrafında başa çatan söküntü işlərindən sonra növbəti mərhələyə start verilir. Layihə çərçivəsində Mirzə Fətəli Axundov, Mustafa Süphi və Zərgər Palan küçələrində yerləşən köhnə yaşayış evlərinin sökülməsi planlaşdırılır.

Ərazidə qiymətləndirmə və texniki hesablamalar artıq tamamlanıb. Söküntü Nizami metrosu istiqamətindəki sıxlıq, infrastruktursuzluq və təhlükəsizlik kimi problemlərin aradan qaldırılmasına yönəlib.

Sakinlərə kvadrat metri üçün 2700 manat məbləğində kompensasiya təklif olunur. Hazırda fərdi danışıqlar aparılır, razılaşma əldə edənlərlə müqavilələrin bağlanmasına başlanılıb. Layihə çərçivəsində həmin ərazidə yeni yaşayış binalarının inşası nəzərdə tutulmur.

R.Daşdəmirova