Naxçıvanda 3 nəfərin ölümü ilə bağlı cinayət işi məhkəməyə göndərildi

Naxçıvanda 3 nəfərin ölümünə səbəb olan hadisə ilə bağlı açılmış cinayət işinin ibtidai istintaqı başa çatıb.

“Ulusum.az” Naxçıvan Muxtar Respublikası Prokurorluğuna istinadən xəbər verir ki, Şahbuzda gölməçədə 3 nəfərin boğularaq ölməsi ilə bağlı istintaq olunan cinayət işi məhkəməyə göndərilib.

Naxçıvanda Şahbuz rayonunda 3 nəfərin boğularaq ölməsi ilə bağlı başlanmış cinayət işinin istintaqı başa çatıb. Prokurorluğun məlumatına görə, 2011-ci il təvəllüdlü Ceyran Hüseynova, anası Sevinc Hüseynova və nənəsi Səkinə Məmmədova kustar üsulla hazırlanmış üzən platformanın aşması nəticəsində gölməçədə boğularaq həyatını itirib.

Araşdırmalar zamanı fərdi sahibkar Hikmət Qurbanlının səhlənkarlığının bu faciəyə səbəb olduğu müəyyən edilib. Ona Cinayət Məcəlləsinin 314.3-cü maddəsi ilə ittiham irəli sürülüb.

Təqsirləndirilən şəxsin barəsində polis nəzarəti altına vermə qətimkan tədbiri seçilib.

Cinayət işi baxılması üçün Şahbuz Rayon Məhkəməsinə göndərilib.

R.Daşdəmirova