Binə “Sovxoz”da qaz təzyiqi problemi

Binə “Sovxoz”da qaz təzyiqi problemi – Sakinlər soyuqda qalmaqdan şikayətçidir

Binə “Sovxoz” yaşayış massivinin sakinləri qaz təzyiqinin zəifliyi səbəbilə evlərini isitməkdə çətinlik çəkirlər. Havalar soyuduqca vəziyyət daha da pisləşib – xüsusilə axşam saatlarında qaz təzyiqi demək olar ki, sıfıra enir.

Sakinlər dəfələrlə “Azəriqaz”a müraciət etsələr də, problemin hansı qurum tərəfindən həll ediləcəyi barədə aydın cavab ala bilmədiklərini bildirirlər. Onların tələbi odur ki, məsələ araşdırılsın və qış aylarında yaşayış üçün zəruri olan qaz təminatı stabilləşdirilsin.

R.Daşdəmirova