Kapital Bank köçürmə və BirBank ödənişləri ilə bağlı şikayətlər artır

Vətəndaşlar bankomat və post-terminal əməliyyatlarında vəsaitlərin hesaba oturmadığını bildirirlər.

Son günlər Kapital Bank vasitəsilə edilən köçürmə və BirBank ödənişləri ilə bağlı şikayətlərin sayı artıb.

Oxşar hadisə Pravda.az əməkdaşının da başına gəlib.
O, noyabrın 5-də “BirBank” hesabından 50 manat ödəniş etməyə cəhd edib. Post-terminal əməliyyatı uğursuz göstərsə də, vəsait hesabdan çıxılıb. Bank problemi araşdırsa da, əməliyyatın eyniləşdirilmədiyini əsas gətirərək vəsaitin qaytarılmadığını bildirib.

Ulusum.az xəbər verir ki, son zamanlar Kapital Bank vətəndaşların hesablarından vəsaitlərin itməsinə dair şikayətlərlə gündəmdədir.

Bank 27 noyabrdan etibarən “BirBank” kartları üzrə nağdlaşdırma və köçürmələrə 1 % komissiya tətbiq edəcəyini açıqlayıb.

Sosial şəbəkələrdə bu hadisələrin araşdırılmasının ləngidilməsinin komissiya tətbiqi dövrünə salınmasına hesablandığı iddia olunur.