Noyabrın 22-si – Azərbaycanın ədliyyə orqanlarının yaradılmasının 107-ci ildönümüdür.

Ulusum.az

xəbər verir ki, bu gün ölkəmizdə ümummilli lider Heydər Əliyevin 2000-ci il 11 noyabr tarixli sərəncamı ilə Ədliyyə işçilərinin peşə bayramı kimi qeyd olunur.
1918-ci il mayın 28-də Azərbaycan Xalq Cümhuriyyətinin elan edilməsi ilə müasir Azərbaycan ədliyyəsinin əsası qoyuldu.

Son 107 ildə ədliyyə sistemi böyük inkişaf yolu keçib. Ulu öndər Heydər Əliyevin rəhbərliyi dövründə həyata keçirilən hüquqi islahatlar, Ədliyyə Nazirliyinin təsis edilməsi və məhkəmə sisteminin müasir tələblərə uyğun yenilənməsi bu sahənin inkişafında dönüş nöqtəsi olub.

Bu gün Prezident İlham Əliyevin rəhbərliyi ilə ədliyyə və məhkəmə-hüquq sahəsində aparılan islahatlar davam edir, rəqəmsal xidmətlər genişlənir, əhalinin ədalət mühakiməsinə əlçatanlığı artırılır.

Eyni zamanda ədliyyə orqanları 44 günlük Vətən müharibəsində dövlət və ordu ilə sıx həmrəylik nümayiş etdirib.

Bu əlamətdar gün münasibətilə bütün ədliyyə işçilərini peşə bayramı münasibətilə təbrik edirik!

Ulusum.az / R.Daşdəmirova