Akademik Musiqili Teatrda “Gülçöhrə və Əsgər” tamaşasının premyerası olub

Tədbirdə Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva, Arzu Əliyeva və Alena Əliyeva iştirak ediblər.

Azərbaycan Dövlət Akademik Musiqili Teatrında Xalq yazıçısı Kamal Abdullanın eyniadlı pyesi əsasında səhnələşdirilən “Gülçöhrə və Əsgər” tamaşasının premyerası keçirilib.



Üzeyir Hacıbəylinin “Arşın mal alan” əsərinin davamı olan yeni tamaşa qeyri-adi süjeti və dramatik xətti ilə tamaşaçıların böyük marağına səbəb olub.



Bəstəkar Cavanşir Quliyev əsərdə fərqli yanaşma tətbiq edildiyini və süjetin gözlənilməz sonluqla tamamlandığını bildirib. Əsgər obrazını canlandıran Səmədzadə Xasiyev əsərin tarixi hadisələri və nakam sevgi hekayəsini yüksək emosional tonla təqdim edib.



Telli obrazının ifaçısı Elnarə Nağdəliyeva qəhrəmanın sadiqliyini və daxili gücünü səhnədə uğurla nümayiş etdirib.



Tamaşa geniş yaradıcı heyətin iştirakı ilə hazırlanıb və Azərbaycan Xalq Cümhuriyyəti dövrünün siyasi-mənəvi çalarlarını tamaşaçılara təsirli şəkildə çatdırıb.

Ulusum.az / R.İkramlı