Dünən, 20:10 0 Cəmiyyət / Gündəm

Dünyanın Ən İsti Yeri: Lut Səhrası

Lut səhrası, kosmosdan ölçülən və 70,7°C-ə çatan dünyanın ən isti nöqtəsi olaraq ekstremal istiliyi ilə seçilir

Dünyanın ən isti yeri hesab olunan Lut səhrası İranda yerləşir və burada qeydə alınmış ən yüksək səth temperaturu 70,7°C təşkil edir. Bəzi mənbələr bu göstəricini 70,5°C kimi göstərir

Bu rekord 2004 və 2005-ci illərdə peyklər vasitəsilə ölçülüb.

Ulusum.az xəbər verir ki. Lut səhrasının ən isti nöqtəsi Gandom Beriyan adlanır, fars dilindən tərcümədə “qızardılmış buğda” mənasını verir. Bu məkan ekstremal istiliyi ilə seçilir və burada heç bir canlı orqanizm yaşaya bilmir; heyvanlar belə bu nöqtədən keçə bilmir.

Ekspedisiya zamanı bu bölgədə yeni kəşflər üçün sərhədlər genişləndirilmişdir.

Bu yer Kaliforniyadakı Furnas Creek və Ölüm Vadisi ilə müqayisədə daha sərt istilik dalğalarına malikdir. NASA-nın “Aqua” peykinə quraşdırılmış orta dəqiqlikli spektroradiometr Lut səhrasının dünyanın ən isti nöqtəsi olduğunu təsdiqləyib.

Səhrə İranın cənub-şərqində yerləşir. Şimal və cənub ucqarları arasındakı məsafə 480 km, qərb və şərq ucqarları arasındakı məsafə isə 320 km-dir.

Təxminən 51 800 kvadratkilometrlik bu nəhəng duz səhrası bir çox sirli və ekstremal məkanlara ev sahibliyi edir. Gandom Beriyan isə kosmosdan ölçülən və 70,7°C-ə çatan dünyanın ən isti nöqtəsi olaraq xüsusi diqqət çəkir.