Son 9 ayda moped qəzalarında ölənlərin sayı açıqlandı

BDYPİ-dən motosiklet və moped sürücülərinə çağırış: Qaydaları pozmayın, həyatınızı riskə atmayın!

Baş Dövlət Yol Polisi İdarəsindən ulusum.az-a bildirilib ki, iki təkərli nəqliyyat vasitələrinin sürücülərinə təhlükəsizlik qaydalarına ciddi əməl etməyə çağırıb.

Qurumun açıqlamasına görə, bu nəqliyyat vasitələrinin iştirakı ilə baş verən qəzaların sayı artır və nəticədə insan itkiləri baş verir. Cari ilin 9 ayı ərzində bu səbəbdən 32 yol-nəqliyyat hadisəsi qeydə alınıb, 10 nəfər ölüb, 26 nəfər xəsarət alıb.

BDYPİ bildirir ki, bəzi sürücülər təhlükəli manevrlər edərək həm özlərini, həm də digər hərəkət iştirakçılarını riskə atırlar.

Qurum motosiklet və moped sürücülərini qeydiyyatsız və qoruyucu vasitələrsiz hərəkət etməməyə, yol hərəkəti qaydalarına riayət etməyə çağırır.

R.D