Tramp Yerusəlimdə alqışlandı, Vaşinqtonda isə tənqidlərə davam

ABŞ prezidenti Donald Tramp Yaxın Şərqdə, xüsusilə də İsraildə böyük diplomatik uğur əldə edib. O, iki il davam edən Qəzza münaqişəsinə son qoyan 20 maddəlik sülh planını açıqlayaraq həm İsrail, həm də HƏMAS tərəfindən razılıq alıb.

Bu addım ona beynəlxalq aləmdə “sülh prezidenti” statusu qazandırdı. Yerusəlimdə coşqu ilə qarşılanan Tramp, Knessetdə “İsrailin ən böyük dostu” adlandırıldı və Nobel Sülh Mükafatına namizədliyi təklif edildi.

Ulusum.az xəbər verir ki, bu uğur ABŞ daxilindəki problemləri arxa plana atmır. Ölkə daxilində siyasi qütbləşmə, iqtisadi narahatlıqlar və ictimai narazılıqlar Tramp administrasiyasının reytinqinə təsir etməyə davam edir.

Xaricdəki uğurlarına baxmayaraq, prezident evdə konsolidasiya və birliyi təmin etmək üçün ciddi addımlar atmalıdır.

R.D