Masazırda restoran yanğını

Bu gün, oktyabrın 14-ü saat 07:00 radələrində Abşeron rayonunun Masazır qəsəbəsində yerləşən "Kaya" restoranının mətbəx hissəsində yanğın hadisəsi baş verib.

Ulusum.az xəbər verir ki, bu barədə Fövqəladə Hallar Nazirliyinin (FHN) Mətbuat Xidməti məlumat yayıb.

Bildirilib ki, hadisə barədə "112" qaynar telefon xəttinə daxil olan məlumat əsasında əraziyə dərhal yanğından mühafizə bölmələri cəlb olunub.

Yanğın qısa müddət ərzində nəzarət altına alınıb və söndürülüb. Hadisə nəticəsində ciddi tələfat və ya xəsarət barədə məlumat verilməyib.

Hazırda yanğının səbəbləri araşdırılır.

R.D