Yaxın Şərqdə sülh razılaşması yaxınlaşır – Azərbaycanın mövqeyi nədir?

ABŞ-ın vasitəçiliyi ilə Şarm əl-Şeyxdə keçirilən Yaxın Şərq Sülh Samitində İsrail və Həmas arasında atəşkəs razılaşmasının imzalanması gözlənilir. Razılaşma çərçivəsində İsrailin Qəzza zolağından mərhələli şəkildə geri çəkilməsi, fələstinlilərin doğma torpaqlarına qayıtması və humanitar yardımın bölgəyə çatdırılması nəzərdə tutulur.

Ulusum.az xəbər verir ki, Samitə 20-dən çox ölkənin lideri dəvət olunub. İsrail artıq sərhədləri humanitar yardım üçün açıb və Misir üzərindən yardım daşıyan maşınlar Qəzzaya daxil olub. Eyni zamanda, İsrail həbsxanalarından 1968 fələstinli məhbusun azad ediləcəyi bildirilir. Onların bir hissəsi artıq Ramallah şəhərinə çatdırılıb.

Azərbaycan regionda sabitliyin təmininə yönəlmiş təşəbbüsləri dəstəkləyir. İsrail ilə strateji tərəfdaşlıq əlaqələri, Suriya ilə yeni mərhələdə qurulan münasibətlər, eləcə də humanitar dəstək bu siyasətin tərkib hissəsidir. Azərbaycanın Qəzzaya humanitar yardım göstərməsi və enerji sahəsində dəstəyi beynəlxalq arenada fəal iştirakını nümayiş etdirir.

R.D