Cəlilabadda ağacların budanması ilə bağlı tədbirlər görülüb

Ulusum.az-ın bölgə müxbirinin məlumatına görə, Cəlilabad şəhərinin bir sıra küçələrində Kommunal Müəssisələr Kombinatının texnika və işçi heyətinin köməkliyi ilə böyüyərək nəqliyyat və piyadaların hərəkətinə maneə yaradan, həmçinin həddindən artıq qol-budaq atmış ağacların budanması həyata keçirilib.

Budama prosesi zamanı aqrotexniki tələblərə əməl olunub, təhlükəsizlik qaydaları təmin edilib. Həmçinin ərazidə yaranan tullantılar təmizlənərək texnika vasitəsilə ərazidən daşınıb.

Bu tədbirlərin şəhər infrastrukturu və sakinlərin rahatlığı üçün mütəmadi olaraq davam etdiriləcəyi bildirilib.

R.Daşdəmirova