Bu gün Əhməd Cavadın anım günüdür

Əhməd Cavad 1892-ci il mayın 5-də Gəncə qəzasının Seyfəli kəndində dünyaya gəlib. Erkən yaşlarından təhsil və maarifçiliklə məşğul olan şair 1913-cü ildə müəllimlik şəhadətnaməsi alıb.

O, Azərbaycan Xalq Cümhuriyyətinin yaradılmasında fəal iştirak edib, milli marşların və Dövlət Himninin sözlərini yazıb. 8-dən çox dili bilən Əhməd Cavad eyni zamanda Azərbaycan dili üzrə ilk dərsliyin müəllifidir.

Şair 1920–1937-ci illərdə dəfələrlə təqib və həbsə məruz qalıb. 1937-ci ilin oktyabrında 15 dəqiqəlik məhkəmə ilə güllələnib.

Qeyd edək ki, 2022-ci ildə Prezidentin sərəncamı ilə Əhməd Cavadın 130 illiyi dövlət səviyyəsində qeyd olunub.

R.Daşdəmirova
Ulusum.az