Gəncədə avtobusda yaşanan gərginliyə görə sürücü ilə profilaktik söhbət aparılıb

Şirkətin mətbuat xidmətindən bildirilib ki, Heydər Əliyev prospektində yaşanan hadisəyə sərnişinin avtobusu dayanacaqdan kənarda saxlatdırmaq istəyi səbəb olub.

Sürücü bu tələbin qaydalara zidd olduğunu əsaslandıraraq sərnişini xəbərdar etsə də, sərnişin israrla qaydadan kənar dayanmanı tələb edib və sürücüyə qarşı nalayiq ifadələr işlədib.

Gərginliyin artması səbəbindən sürücü emosional reaksiya göstərərək avtobusu qısa müddətə dayandırıb. Daha sonra sakitləşərək hərəkəti bərpa edib.

Məsələ ilə əlaqədar "BakuBus" MMC-nin müvafiq şöbəsi sürücü ilə profilaktik söhbət aparıb və ona gələcəkdə oxşar hallarda daha təmkinli davranması tövsiyə olunub.

Şirkət ictimai nəqliyyatdan istifadə edən sərnişinləri qaydalara riayət etməyə və yalnız müəyyən olunmuş dayanacaqlarda düşmə-təhlükə tələb etməyə çağırıb.

Ulusum.az-ın qərb bölgə bürosunun məlumatı