Tovuzda ailə münaqişəsi: Bacı atasına söyən qardaşını döyüb

Hadisə zamanı bacı qardaşına yumruq zərbələri endirib, nəticədə onun dörd dişi qırılıb.

İlkin məlumata görə, Tərxan Məmmədov (ad və soyad şərtidir) sərxoş halda evə gələrək atasına məxsus mobil adapteri götürüb və geri qaytarmaqdan imtina edib. Bu səbəbdən ata-oğul arasında mübahisə yaranıb və Tərxan atasına nalayiq sözlər deyib.

“Ulusum.az-ın bölgə müxbirinin məlumatına əsasən, hadisəni görən bacısı Fazilə Məmmədova (ad və soyad şərtidir) onu sakitləşdirməyə çalışsa da, Tərxan ona da söyüş söyüb. Cavab olaraq Fazilə qardaşını döyüb.

Hadisə yerinə hüquq-mühafizə orqanları cəlb olunub və fakt üzrə cinayət işi başlanıb. Tovuz Rayon Məhkəməsində keçirilən iclas zamanı tərəflər barışdıqlarını bildiriblər.

Məhkəmə Faziləyə qarşı cinayət işinə xitam verib və o, cinayət məsuliyyətindən azad edilib.

Ulusum.az